Ylli i Barcelonës transferohet në Serie A

21:53 | 11 Nëntor 2017
Arbresh.info

Aventura e Thomas Vermaelen në Barcelonë është gjithmonë më afër fundit.

Sipas Mundo Deportivo, klubi kaltalunas ka shprehur gatishmërinë ta largojë mbrojtësi belg pasi ka gjetur zëvendësuesin e tij dhe ai është Matthijs de Ligt i Ajaxit.

Vermaelen vazhdon të jetë i kërkuar nga shumë skuadra evropiane, posaçërisht ato nga Italia.

Në mesin e tyre është edhe Interi, të cilët e shikojnë ish-mbrojtësin e Arsenalit si një mundësi të mirë dhe të lirë për mbrojtje gjatë janarit.

Vlen të theksohet se në sezonin e kaluar Vermaelen ishte i huazuar te Roma, por më pas u kthye te klubi katalunas.

Në sezonin 2017/18 te Barça ai ka vetëm një paraqitje në të gjitha garat dhe atë në Kupën e Mbretit.

Vermaelen do të jetë një zëvendësues te Interi, por gjithmonë para Andrea Ranocchias.

Shpërndaje në rrjete sociale

Lajmet më të lexuara

Të ngjashme

Foto lajm